Baap of IPL: Humare desh mein cricket ko lekar kafi jyada utsah dekhne ko milta hai. Har ek indian ki rago mein cricket khoon ki tarah dodta hai. Wahi jab baat IPL ki aati hai to cricket ko lekar romanch aur bhi jyada badh jata hai. To chaliye aaj hum aapko batate hai ki IPL ka real baap aakhir hai koun.
Baap of IPL
TOC
Virat Kohli – Baap of Batting
Virat kohli ka naam duniya ke sabse bade superstars mein gina jaata hai. Apni ballebazi se virat kai gendbazo ki raato ki neend uda chuke hai. Wahi ipl mein mein to virat ka balla aag ugalta hai. Virat ne ab tak ipl mein 7263 runs banaye hai. Wahi 7 century or 50 fifty virat ne apne naam ki hai. Virat ke iss jabardast record ko dekhkar yeh kehna galat nahi hoga ki virat hi real king hai aur IPL mein batting ke baap hai.
Shikhar Dhawan – Baap of Consistency
Mushkil waqt mein team ke sath khada rehna aur apna dard seene mein chhupa kar hamesha muskurana shikhar Dhawan ki purani aadat hai. Shikhar ipl mein kai teams ke sath khel chuke hai uske sath hi apani batting se har kisi ka dil jeet chuke hai. shikhar ne 2020 IPL mein lagatar centuries markar har kisi ka dil jeet liya tha.
Shikhar Dhawan ne IPL mein ab tak 217 match mein 6617 runs banaye hai. Wahi har season mein lagatar apani teams ke liye lagatar perform kiya hai jiske chalte hum keh sakte hai ki Shikhar Dhawan Consistency ke mamle mein IPL ke baap hai.
Shubman Gill – Baap of Openers
Inhe Shubman Gill kahe ya fir kahe Prince of Indian cricket ek hi baat hai. KKR ho ya fir ho GT dono hi teams ke liye Gill ne Opening karte hue virodhi teams ke gendbazo ki neend udai hai. Opening karte hue gill jesi Consistency shayad hi aur kisi ballebaz ke paas ho. Gill ne apane chhote se career me yah bata diya hai ki aane wale waqt mein wah IPL par raj karne wale hai. 91 matcho mein gill ne ab tak 37.7 ki ausat se 2790 runs banae hai jisme 3 shetak aur 18 fifty shamil hai.
Wahi gill opening karte hun lagatar apni team ke liye run banate hai aur unhe achi shuruaat dete hai . yahi wajh hai ki gill ko ipl mein Baap of Openers bhi kaha jata hai .
Suryakumar Yadav – Baap of Innovative Batting
Suryakumar yadav ka naam sunte hi hamari aankho ke samne kai tarah ke ajibo garib shots samne aa jate hai. Koi surya ko next 360 degree player kehta hai to koi unhe 720 degree. Jis tarah ke shots surya marte hai shayad hi world cricket mein aaj aesa khiladi hai jo is tarah ke shots lagatar marta hai.
IPL mein surya ne ab tak 129 matchs mein 3249 runs 143.32 ki tej tarar strike rates se banaye hai. Wahi surya kab kaha kounsa shot marde uska andaza gendbazo ko to kya khud surya ko nahi hota. Apni isi style ke chalte surya aaj IPL ke Baap of Innovative batting ban chuke hai.
Rohit Sharma – Baap of IPL Captains
Dost hume pata hai yeh line padhkar aapko kafi Gussa aa raha hoga lekin hamara yeh article agar aap pura padhne uske bad aap koi faisla le. Rohit Sharma IPL one of the best captains mein se ek hai ya fir kahe rohit IPL mein kaptani ke baap hai. Rohit ne 243 ipl match mein 6211 run banaye hai wahi apani captani se bhi rohit apni team ko jeet dilane mein kafi jyada kamiyab rahe hai .
Rohit ne kaptani karte hue apni ipl team MI ko 5 baar ka khitab jeetaya hai. 2013,2015,2017,2019 and 2020 mein rohit apani jabardast kaptani se ipl ke kaptani ke baap bane hai. kaptani ke mamle MS Dhoni bhi rohit ke piche khade nazar aate hai. To isi wajah se yeh kehna bilkul bhi galt nahi hoga ki Rohit sharma hi IPL mein Baap of Captains hai.
Jasprit Bumrah – Baap of Bowling
‘Boom Boom Bumrah’ ke naam se apni pehchan banane wale Jasprit bumrah apni gendbazi se kai ballebazo ke dant khatte kiye hai. Bumrah ke ipl career ki baat ki jaye to unhone 120 match mein ab tak 145 wickets liye hai wali ipl jaese tournament mein 7.4 ki economy ye batati hai ki bumrah kitne kante kanjus gendbaz hai.
Bumrah un gendbazo mein se ek hai jo shuruwati overs mein virodhi team ki kamar tod dete hai. World class pehli class dusari class sab bumrah ki gendbazi ke samne chai kam pani hai . jiske chalte yeh kehna galat nahi hoga ki Bumrah ipl mein ‘Baap of Bowling’ hai.
MS Dhoni – Baap of IPL
MS Dhoni duniya ki cricket ke kitne bade khiladi hai yeh shayad hi kisi se chhupa hoga. Dhoni ek aese khiladi hai jinhone apni ballebazi ke sath – sath apni jabardast kaptani se bhi virodhiyo ki raato ki nind uda rakhi hai. MS dhoni ki kaptani mein CSK 2010, 2011, 2018, 2021 and 2023 mein dhoni ipl ka khitab apne team ke naam karne mein kamyab rahe hai.
Dhoni un khiladiyon mein se ek hai jo humesha naye khiladiyo ko mouka dete hai. Wahi apni tabadtod ballebazi se bhi kabhi bhi match ka rukh badal ne ki kabiliyat sirf dhoni rakhte hai.
Dhoni ki ginti ab duniya ke sabse behtarin kaptano mein ki jaati hai. Puri duniya mein IPL ko ek brand banane ke piche MS Dhoni ka sabse bada yogdan hai. Isi liye sirf fantasy khiladi hi nahi balki puri duniya yeh kehti hai aur manti hai ki MS Dhoni hi Baap of IPL hai.
